السيسي: “المصريين بيدخلوا جمعيات عشان يصرفوا على الدروس الخصوصية”

قال الرئيس عبد الفتاح السيسي، أن دخل المواطن في مصر ليس كبيرا، قائلا: “دخول المواطن المصري بصفة عامة مش كبيرة.. وبالتالي الناس تشعر بأي ضغط في الأسعار.. أنا عارف ان الظروف صعبة.. إما نلغي الكلام ده كله ونضيع مستقبل البلد.. وألغي أى تطور كبير.. وإما تيسير ما أمكن.. كنت بنتكلم مع الدكتور علي المصيلحي وزير التموين.. هاجموك على الرغيف المعدل ويتم دراسته.. طب انتوا قولتوا للناس أن رغيف الخبز بيتكلف 75-80 قرش واللى بيتباع بـ 5 قروش”. 

وأضاف الرئيس السيسي، خلال كلمته في افتتاح عدد من مشروعات مصر الرقمية: “أنا بكلم المواطن المصري وبكلم بلدنا.. والناس اللى حملتنا الأمانة على نفسها ومستقبلها.. مش أقصد أي حاجة.. أنا بتكلم عن أهلي وناسي.. أتمنى أن أعمل لهم احلي حاجة في الدنيا.. مش انا بس.. أي انسان مخلص في الحكومة وفي أي قطاع.. الدخول البسيطة مش هنقدر نعملها إلا بعلم وعمل محترف.

أوضح الرئيس عبدالفتاح السيسي، أن الكتلة الغالبة من المصريين يشتركون في عمل “جمعيات” من أجل الإنفاق على الدروس الخصوصية، متابعا: ” ثقافة التعليم واهتمام الأسر تتغير علشان نعطى تعليم حقيقى.. حبيت أقول ليه أمام أولادنا وبناتنا عملنا ما يمكن.. كده كده بتعملوا الجمعيات عشان تصرفوا على الدروس الخصوصية.. احنا كلنا مصريين بسطاء يعني الكتلة الغالبة كده.. ممازحا الدكتور مصطفى مدبولى رئيس الوزراء: “مش بتعمل كده يا دكتور مصطفى ولا انتوا معالق الدهب ولا ايه؟ ..انا بضحك مع الدكتور مصطفى”. 

وأضاف الرئيس: “لبناء دولة ، الطريق بيبقى كله صبر وعمل وتضحيات.. مفيش حاجة تقدر تعملها وانت مبتجريش الجري ده”.

مازح السيسي، الدكتور محمد معيط وزير المالية، قائلا: “الدكتور معيط قاعد هناك ملوش دعوة بيا.. وقاعد يبصلي وخلاص.. مش انت بتاع الفلوس.. قاعد تخش على القنوات التليفزيونية.. تشتكي.. لالا.. البلد دي حاميها ربنا يحميها ربنا.. هيساعدنا في بنائها ربنا.. وتبقى فى مستوى تاني خالص خالص.. وبكرة ان شاء الله تشوفوا ده بيتحقق بفضل الله”. 

وأكد السيسي، أن الدولة المصرية لا تملك ثروات، قائلا: “معندناش ثروات.. وبقولكم كلكم.. علشان محدش يتوهم أنه في الدولة المصرية ثروات.. جبت شيخ التنقيب وكان عنده 85 سنة.. بقوله ايه اخبارنا على خريطة الثروة المعدنية؟.. قالى عندنا 3 حاجات.. وأنا لما بتكلم عن ثروة يعنى حجم هائل.. وعلشان يبقي عندك كميات كبيرة تمثل دخل ريعي.. واللى عندنا رمل ورخام وحجر جيري.. وكل الناس المعنية بهذا الأمر يردوا عليا ويقولوا غير ده”.  

وأضاف الرئيس : “مفيش غير العمل وتدور على الأفكار وتطورها وتشتغل عليها علشان تغير حياة الناس وتعظم دخولها.. ماشيين بالمسارات التي عبروها جيدة مش كافية.. لأن عدد السكان كتير والطلب لتحسين الدخول كبير”.

تحدث الرئيس السيسي عن فرص العمل الحقيقية في المستقبل، مضيفا: “اللى احنا محتاجينه نبقا مقتنعين أن المستقبل وفرص العمل الحقيقية، وأسماء العلوم قد تكون غريبة عليكم.. الناس تقولك هعلم ابنى إيه؟.. هو ده المستقبل الحقيقى والتعليم الحقيقي”. 

وتابع الرئيس: “بشوف مثلا بنبقا أحيانا مقصرين في الإعلان مش الدعاية.. ولكن إزاى أسوق الكلام المهم للدولة، شوفت مثلا برنامج إسمه “الدوم”.. لما البرنامج اشتغل اده فرصة كبيرة لمهارات شباب وشابات مصر فى كل مناحى مصر.. أتحنا لهم منصة.. والكلام ده أتاح شكل من أشكال التسويق للفكرة”. 

وأضاف الرئيس السيسي: “مقدرش أعمل برنامج زى ده الموضوع ده، مجبش الأولاد والشباب والبنات اللى تميزوا في هذا الأمر، والقي الضوء عليهم عشان أخلى النشء اللى طالع يبقا عنده الحلم ده.. المقارنة دايما تبين حالة المستوى”. 

وأكد الرئيس السيسي، أن المصريين مهتمون جدا بالتعليم.. متابع: “الاسر اللى بتاخد ولادها فى الدروس اللى بتديله لها ده بيعكس وعى مصري مجتمعي بالتعليم.. عايزك تهتم بس في الاستهداف بدل ما فقط عايز تركز مع الطلبة على انه ياخد شهادة.. التليفزيون كوسيلة فيه برنامج اسمه العباقرة استطاع خلال سنوات قليلة يلقى الضوء على حاجة معينة”. 

وتابع الرئيس السيسي: “كل ما ادور التليفزيون ألاقي المطبخ.. انا مش ضد.. هاتوا حاجة كده وحاجة كده.. علشان ننقل ونقدر نغير الثقافة للمواطنين.. احنا بنتكلم كده وقعدنا لسه هنتكلم تاني.. علشان لازم نغير الواقع اللى احنا فيه .. انتوا بتتكلموا على الأكل؟!.. احنا مستنيين حد يعلمنا ناكل”.

وأشاد الرئيس عبدالفتاح السيسي ببرنامج “الدوم” والذى عرض على شاشة قناة “ON” خلال الفترة الماضية، مؤكدا أن هناك بعض البرامج التليفزيونية القادرة على إظهار مواهب وقدرات الشباب مثل برنامج “الدوم”.

وأضاف الرئيس السيسي خلال افتتاح عدد من مشروعات مصر الرقمية: “بشوف مثلا بنبقا أحيانا مقصرين في الإعلان مش الدعاية.. ولكن إزاى أسوق الكلام المهم للدولة، شوفت مثلا برنامج إسمه “الدوم”.. لما البرنامج اشتغل إده فرصة كبيرة لمهارات شباب وشابات مصر فى كل مناحى مصر.. أتحنا لهم منصة.. والكلام ده أتاح شكل من أشكال التسويق للفكرة”.

أكد الرئيس السيسي: “مقدرش أعمل برنامج زى ده الموضوع ده، مجبش الأولاد والشباب والبنات اللى تميزوا فى هذا الأمر، والقي الضوء عليهم عشان أخلى النشء اللى طالع يبقا عنده الحلم ده.. المقارنة دايما تبين حالة المستوى”. 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى